ZUINGERUS Jacobus

ZUINGERUS Jacobus

fil. prioris, Philosophus itidem et Medicus Basileens. celeberrimus. Natus A. C. 1569. Petrum Ramum, qui ob religionem tum Basileae exul degebat, Patrem lustricum habuit: provectiore dein aetate, ad Medicinam animô applicitô, Patavium petiit, Italiaeque celebrioribus lustratis locis, ubi monumenta quaecumque antiquitatem spirantia diligenter in tabulas suas retulit, in Patriam redux, Docturâ primum Medicâ, Promotore Felice Platerô, dein Graecâ Professione ornatus, quantus esset, luculenter monstravit. Obiit peste A. C. 1610. Pater Theodori, de quo infra. Eius exstant: Vigilia Socratica, in nupt. Iac. Rudini: Hypotyposis Graecarum Dialectorum: Examen principtorum Chymicorum: Physiologia Parentis, continuatâ orationis serie exposita et illustrata: etc. Idem Theatrum Parentis quartum edidit, cum accessione insigni, et indice locupletissimo.